ССВ: Владимирда ҳалокатга учраган ўзбекистонликларга тиббий ёрдам кўрсатиш бўйича тезкор гуруҳ тузилди

Владимирда ҳалокатга учраган ўзбекистонликларга тиббий ёрдам кўрсатиш бўйича тезкор гуруҳ тузилди. Бу ҳақда KUN.UZ’га Соғлиқни сақлаш вазирлиги ахборот хизмати хабар берди.

Қайд этилишича, гуруҳ малакали жарроҳ, нейрожарроҳ, травматолог, ортопед, анестезиолог, невролог каби мутахассислардан таркиб топган. Улар зарур тиббий воситалар, дори-дармон захиралари билан етарли даражада таъминлангани айтилмоқда. 

Айни вақтга гуруҳ Россия Федерациясига учиб кетишга тайёр ҳолатда. Республика шошилинч тиббий ёрдам илмий марказида ҳалокат оқибатида жабрланганларга юқори малакали тезкор тиббий ёрдам кўрсатиш учун захира ўринлари тайёрланди. Қўшимча дори-дармон ва тиббий воситалар етказиб берилган.