Тошкент шаҳрини яхшилаш учун 50 миллион доллар ажратилади

Ўзбекистон Республикаси Вазирлар Маҳкамасининг 30 сентябрдаги қарори билан Тошкент шаҳрини ободонлаштириш ва фаровонлигини ошириш жамғармаси ташкил этилгани хабар қилинганди.

Пойтахт ҳокимиятининг Жамғармага дастлабки ҳиссаси Ўзбекистон Тикланиш ва тараққиёт жамғармасининг 50 млн. АҚШ доллари миқдоридаги кредити ҳисобидан шакллантирилади, у Миллий банк орқали қайта молиялаштирилади. Кредит 5 йил муддатга, шу жумладан, имтиёзли 2 йиллик даврни ҳисобга олган ҳолда тақдим этилди. 

Олинган кредитдан аҳоли фаровонлигини ошириш, сув таъминоти ва канализация масалаларини ҳал қилиш, маҳаллаларнинг ички йўлларини таъмирлаш, ижтимоий объектларнинг моддий-техника базасини қуриш ва мустаҳкамлаш, ижтимоий соҳа ходимлари учун хизмат уйларини барпо этиш учун фойдаланиш режалаштирилмоқда.