11 ёшли ўзбекистонлик шахматчи Халқаро уста унвонини олди

Осиё ва Ўзбекистон чемпиони Жавоҳир Синдоров шахмат бўйича Халқаро уста унвонига сазовор бўлди. Бу ҳақда Ўзбекистон шахмат федерацияси матбуот хизмати хабар берган.

Маълумот учун, Халқаро уста – шахматчиларга 1950 йилдан бери ФИДE томонидан бериладиган шахмат унвони бўлиб, маълум малака талабларини бажарганлик учун тақдим этилади.

Ўзбекистон шахмат федерацияси ёш гроссмейстер - Жавоҳир Синдоровга самимий қутловлар йўллаган. «Мустаҳкам соғлик, шахматда муваффақиятлар ва гроссмейстерлик чўққиларини тилаймиз». - дейилади ЎШФ табригида.