Тарвуз фирибгарларига нисбатан жиноят иши қўзғатилди

Андижон вилояти Ички ишлар бошқармасидан олинган маълумотга кўра, Қашқадарё вилоятининг Шаҳрисабз шаҳарчасида яшовчи фуқаро ариза билан мурожаат қилади. Бу ҳақда Ўзбекистон Республикаси ИИВ матбуот хизмати хабар бермоқда.

Ундан шу йилнинг июнь ойида Пахтаобод туманида яшовчи 1981 йилда  туғилган К.Д. ва Фарғона вилоятининг Ёзёвон туманида яшовчи 1987 йилда туғилган К.М.лар, Тошкент шаҳрида жойлашган “Қўйлиқ” деҳқон бозорида 20 млн. сўмлик тарвузларни Андижон туманига сотиш учун олиб кетиб, пулларни тўрт кунда беришни айтишиб, шу кунга қадар беришмаган. 

Ҳозирги кунда К.Д. ва К.М.ларга нисбатан Ўзбекистон Республикаси Жиноят кодексининг 168-моддаси билан жиноят иши кўзғатилган.