Бразилиялик блогер Гильерме Рембо Twitter'да Apple компаниясининг янги iPhone X смартфонлари қўнғироғининг мусиқаси билан бўлишди.
Рингтон "Кўзгу" (Reflection) номини олган бўлиб, у компаниянинг бошқа смартфонларида бўлмайди. Янги махсус рингтон гардишсиз моделнинг ўзига хослигини яна бир бор тасдиқлайди.
У қандай жаранг сочади дейсизми? Эшитиб кўринг.
Кузатувчиларнинг таъкидлашича, бу компания смартфони эксклюзив рингтон олган биринчи ҳолат. Таъкидлаш жоизки, iPhone 7, 8 каби смартфонлар эгалари ҳам ўз хоҳишларига кўра ушбу мусиқани интернетдан юклаб олишлари мумкин бўлади.
