«Афросиёб» поездининг Самарқандга қатнови вақтинчалик тўхтатилди

2017 йилнинг 3, 4, 5 ноябрь кунлари Тошкент-Самарқанд-Тошкент йўналишида қатнаётган №764/763 сонли «Афросиёб» юқори тезликда ҳаракатланувчи электропоездининг қатнови техник сабабларга кўра тўхтатилади. Бу ҳақда «Ўзбекистон темир йўллари» АЖ ахборот хизмати хабар бермоқда.

Қайд этилишича, мазкур қатнов кунларига харид қилинган чипталар ҳеч қандай фоиз ушланмасдан темир йўл кассаларида қайтариб олинади.

Қўшимча маълумот олиш учун қисқа 1005 телефон рақамига қўнғироқ қилиш сўралган.