Саудиялик шаҳзодаларнинг ҳибсга олиниши нефть нархига жиддий таъсир кўрсатди

Фото: Shutterstock

Brent маркали нефть нархи бир баррель учун 62,87 АҚШ долларига етди. Бу 2015 йилнинг июлидан бери 62 долларлик кўрсаткичдан илк бора юқорилашга айланди, деб хабар бермоқда Bloomberg.

Агентлик бундай кескин ўсишни Саудия Арабистонида шаҳзодаларнинг ҳибсга олиниши билан боғламоқда. Тошкент вақти билан соат 15:55 ҳолатига кўра, Brent нефти бир баррель учун 62,48 доллардан савдо қилинмоқда.

Аввалроқ Саудия Арабистонида тўрт нафар амалдаги вазир ва ўн бир нафар қироллик оиласидан бўлган шаҳзода коррупцияда гумонланиб қўлга олингани хабар берилганди.

Тайёрлаган Отабек Матназаров

#Саудия Арабистони #нефть

4 ноябрь куни Саудия Арабистонида 11 нафар шаҳзода ва 4 нафар юқори мартабали амалдор коррупцияда айбланиб ҳибс қилинди. Бу ҳодиса валиаҳд шаҳзода Муҳаммад ибн Салмоннинг ўз рақобатчиларидан қутулиш йўлидаги ҳаракати сифатида баҳоланмоқда.