​Жанубий Кореяда ўзбек  меҳнат муҳожирларининг фаолиятини тартибга солиш, иш квотаси учун белгиланган имтиҳонларни сифатли ва шаффоф ўтказиш мақсадида Тошкент шаҳридаги Комплекс тест маркази (КТМ) 13 ноябрь куни ўз фаолиятини бошлаши маълум қилинди. Агентлик орқали чет элга чиқишни режалаштираётган шаxслар учун дастлабки тест синовлари эндиликда мазкур марказ орқали амалга оширади. Бу ҳақда Агентлик масъул вакили билан суҳбатлашган KUN.UZ мухбири хабар берди.

Синов замонавий дастурий таъминот CBT - Computer Based Testing усули асосида амалга оширилади. Ушбу усул маxсус ишлаб чиқилган дастурий таъминот билан биргаликда талабгорнинг тест синовлари натижаларининг ишончлилигини кафолатлайди, кейинчалик Ташқи меҳнат миграцияси бўйича Агентликка ўтказилишини таъминлайди.

Илғор дастурий таъминот xавфсизлик тизимлари ҳар қандай компьютер ҳужумига қарши xавфсизликни таъминлайди, бу маълумотларнинг узилиш эҳтимолини йўқотишга имкон беради.

"Тест синовлари дипломли администраторларнинг раҳбарлиги остида маxсус жиҳозланган компьютер xоналарида амалга оширилади, бу имтиҳоннинг адолатли  ўтказилишини таъминлайди",​ деб айтади агентлик вакили Kun.uz мухбири билан кечган суҳбатда.

Малакавий EPS-TOPIK синовларнинг саралаш босқичидан ўтиш тамойили:

1. EPS-TOPIK синовларига сараланиш учун ТМММА-Корея синовларидан олдиндаги EPS-TOPIK синовларига ўтиш учун сараланган ва якуний санадан аввал эълон қилинган номзодлар қўйилади. Бунда ТМММА-Корея синовидан ўтган киши кўрсатилган санадан кейин EPS-TOPIK'нинг кейинги синов сессиясига сараланиш учун номзодга айланади.

2. ТМММА-Корея синовлари натижаларининг ҳақиқийлик муддати – синовни топшириш санасидан бошлаб 8 ойни ташкил қилади.

3. EPS-TOPIK синовининг келгуси сессиясига сараланиш очиқ тарзда, қуйидаги жараён орқали ўтказилади:

- Агентлик EPS-Марказ (Корея Р.) билан биргаликда, ТМММА-Корея синовини ўтказиш учун якуний сана ва рухсат берилган иштирокчилар сонини белгилайди ва EPS-TOPIK синовининг келгуси сессиясига саралаш учун эълон қилади.

- Компьютер ТМММА-Корея тестидан ўтган барча шахсларнинг баҳоларини реал вақт ҳисобида якуний санагача таҳлил қилади ҳамда жорий рейтингни шакллантиради. Натижалар реал вақт давомида тест топширган ҳар бир даъвогарнинг шахсий кабинетида эълон қилинади ва унинг жорий жойлашуви асосида мунтазам равишда максимал миқдорда янгилаб турилади.