2018 йилда барча станцияларда метрополитен хизматларидан фойдаланиш учун тўловнинг автоматлаштирилган тизимини жорий этиш режага киритилган. Бу ҳақда «Тошкент метрополитени» УК бош муҳандиси Бахтиёр Содиқов Халқаро Пресс-клубнинг навбатдаги сессиясида маълум қилди.
«Ҳозирда Мустақиллик майдони метро бекатига махсус турникет синовдан ўтказилмоқда. Агар мазкур тажриба ўзини оқласа, бошқа метрополитен бекатларига ҳам иккитадан турникет ва автоматлар ўрнатилади», дея қайд этган Бахтиёр Содиқов.
«Тошшаҳартрансхизмат» вакиллари ҳам ушбу инновацион имконият ҳақида хабар берганди. Эътиборли жиҳати шундаки, бу «янгилик» энг камида 5 марта янграган ва ҳанузгача амалга ошмай келади.
2014 йил 6 июль
«Тошшаҳартрансхизмат» жамоат транспортидан фойдаланганда NFC (Near Field Communication - яқин масофадаги алоқа) технологияси орқали тўловни амалга ошириш имконияти пайдо бўлиши ҳақида маълумот берганди. Соддароқ қилиб, смартфонданги илова орқали автоматлаштирилган тизим имкониятидан фойдаланиш ҳақида сўз юритилаётганини таъкидлаш лозим.
Ана шу пайтда мутасаддилар «лойиҳанинг техник ишланмалари устида катта иш олиб борилаётгани» ҳақида гапирган. Ҳукумат жамоат транспортидан фойдаланиш ва унинг сифатини ошириш борасида 2013 йил ноябрь ойида расмий ҳужжатни тасдиқлаган.
2015 йил 16 январь
«Тошшаҳартрансхизмат» келгуси икки йил ичида смарт-карт ёрдамида ишлайдиган тўлов тизимини яратишини билдирди. Жамият лойиҳани амалга ошириш учун 8та номзоддан бирини танлаши маълум қилинган. «Тошшаҳартрансхизмат» раҳбари Отабек Содиқовнинг айтишича, лойиҳанинг молиявий жиҳати кредит маблағларини жалб этиш орқали ҳал этилади. Автобусларда ушбу тизимни жорий этиш учун 3-4 ой муддат талаб қилиниши айтилган.
2015 йил 8 июль
Ўзбек-Француз ишбилармонлар форумида «Тошшаҳартрансхизмат» АЖ яқин келажакда бажарилиши кутилаётган лойиҳани таништирди. 2015 йилнинг 10-12 июн кунлари ўтказилган тадбирда Тошкент шаҳар йўловчи ташиш хизматида автоматлаштирилган тўловни амалга ошириш ҳақида
