Трамп Саудиядаги коррупция билан курашни қўллаб-қувватлади

Фото: Reuters

АҚШ президенти Дональд Трамп Саудия Арабистони ҳукуматини мамлакатдаги коррупция билан курашда қўллаб-қувватлашини билдирди.

Саудия Арабистонининг коррупция билан кураш бўйича Олий қўмитаси якшанба куни тахминан 40 нафар нуфузли шахсни қўлга олиш ҳақида қарор чиқарди. Улар орасида қироллик оиласи аъзолари, собиқ ва амалдаги вазирлар, ҳарбийлар ҳамда тадбиркорлар бор.

"Мен қирол Салмон ва Саудия Арабистони валиаҳд шаҳзодасига тўлиқ ишонаман, улар нима қилаётганликларини яхши билишади. Қироллик ҳукумати кескин муносабатда бўлганлардан баъзилари ўз мамлакатини йиллар давомида талон-торож қилиб келган!” - дея ёзди Трамп Twitter’да.

Аввалроқ саудиялик шаҳзодаларнинг ҳибсга олиниши нефть нархига жиддий таъсир кўрсатгани хабар қилинганди.

Тайёрлаган Отабек Матназаров

#Дональд Трамп #Саудия Арабистони

4 ноябрь куни Саудия Арабистонида 11 нафар шаҳзода ва 4 нафар юқори мартабали амалдор коррупцияда айбланиб ҳибс қилинди. Бу ҳодиса валиаҳд шаҳзода Муҳаммад ибн Салмоннинг ўз рақобатчиларидан қутулиш йўлидаги ҳаракати сифатида баҳоланмоқда.