Саудия машмашаси: подшоҳ 30 нафар янги судьяни тайинлади

Фото: РИА "Новости"

Саудия Арабистони подшоҳи Салмон бин Абдул Азиз Адлия вазирлиги тизимидаги 30 нафар судьяни суд ҳокимиятининг турли даражаларига тайинлаш тўғрисидаги фармонни имзолади. Бу юқори мансабли амалдорлар ва тадбиркорлар коррупцияда айбланиб оммавий равишда ҳибсга олинганидан бир неча кун ўтиб рўй берди, деб хабар қилмоқда Саудиянинг SPA янгиликлар агентлиги.

"Подшоҳ фармони 26 нафар судьяни суд тизимидаги турли даражаларга илгари суриш ва 30 судьяни тайинлашни назарда тутади", - дейилади хабарда.

Саудия Арабистони адлия вазири Волид бин Муҳаммад ал-Сомони подшоҳлик ҳукмдори томонидан амалга оширилган бу тайинловлар "унинг суд тизимини доимий қўллаб-қувватловидан дарак бериши" ҳақида айтиб ўтди.

Аввалроқ Саудия Арабистонида 11 шаҳзода ва 4 вазир ҳибсга олингани, улар қаторида дунёнинг энг бой кишиларидан бири борлиги хабар берилганди.

Бундан ташқари, сўнгги хабарларга кўра, саудиялик миллиардерлар ўз маблағлари музлатилиши ва оммавий ҳибсга олинишлардан ваҳимага тушиб қолган.

Тайёрлаган Отабек Матназаров

#Саудия Арабистони #судья

4 ноябрь куни Саудия Арабистонида 11 нафар шаҳзода ва 4 нафар юқори мартабали амалдор коррупцияда айбланиб ҳибс қилинди. Бу ҳодиса валиаҳд шаҳзода Муҳаммад ибн Салмоннинг ўз рақобатчиларидан қутулиш йўлидаги ҳаракати сифатида баҳоланмоқда.