Қўшимча функционаллар
-
Тунги кўриниш
Спорт | 09:20 / 03.12.2017
25174
1 дақиқада ўқилади
Видео: Серхио Рамос Примерада антирекорд ўрнатди
«Реал» ҳимоячиси Серхио Рамос Испания чемпионатида қизил карточка олиш бўйича антирекордчи бўлди. Ушбу ҳимоячи Испания чемпионатининг 14-турида «Атлетик»ка қарши ўйинда икки марта сариқ карточка олиб, майдонни тарк этди.
31 ёшли футболчи ўйиннинг 86-дақиқасида рақиб ҳужумчиси Ариц Адуриснинг бошига тирсаги билан ургани учун жазоланди.
Бу қизил карточка унинг фаолиятида Испания чемпионати ўйинларида олинган 19-қизил карточка бўлди.
Шу тариқа, Рамос бу кўрсаткич борасида аллақачон фаолиятини якунлаган футболчилар Пабло Альфаро ва Хави Агуадодан ўзиб кетди. Ушбу марказий ҳимоячилар Примера ўйинларида 18 марта ҳайдалганди.
«Атлетик» ва «Реал» учрашувида ҳисоб очилмай қолди.
Kun.uz янгиликларини Google News'да кузатинг
+ Обуна бўлиш
