Давлат раҳбарлари, сиёсатчи ва амалдорлар ҳам дам оладими? Қуйидаги таснифда дунёнинг етакчи давлат раҳбарлари қишки таътилни қандай ўтказиши ҳақида баён қилинади.
Қишки таътилни қор ёғмайдиган Флоридада ўтказаётган Дональд Трамп
АҚШ президенти Дональд Трамп ўзининг кўп йиллик одатларига содиқ қолиб, қишки байрамларни қуёшли Флорида штатида жойлашган Палм-Бич соҳилбўйи курорт зонасида кутиб олди. Бу ерда президентнинг Мар-а-Лаго номли резиденцияси бўлиб, кенг гольф майдончасига эга.
Бу йил Дональд Трамп ва унинг аёли биринчи марта давлат раҳбари ҳамда биринчи хоним сифатида байрамни Мар-а-Лагода ўтказмоқда. Шу туфайли, резиденцияга ташриф буюриш ақл-бовар қилмас даражада мураккаб вазифага айланди. Мушкулотга сабаб бўлган омил нарх-навонинг космик даражада баланд эканлигидан ташқари, президент Дональд Трамп айнан шу жойда қишки таътилни ўтказмоқчи бўлганидадир.
Маълумот учун, Мар-а-Лаго клуби ҳақиқий аъзолигига кириш учун биринчи мажбурий бадалнинг ўзи 200 минг АҚШ доллари қийматида белгиланган. Бир марта кириш учун 700 АҚШ доллари, йилига эса 15 минг АҚШ доллари тўлаш керак. Хуллас, АҚШ президентини қишки таътилда Флориданинг қимматбаҳо гольф клубидан топиш мумкин.
Ҳақиқий немисча характерга хос ҳаракат
Германия канцлери Ангела Меркель хоним турмуш ўртоғи билан Альп тоғларида дам олишни маъқул кўради. Бу ОАВ ва жамоатчилик учун янгилик эмас, негаки, у бир неча ўн йилдан буён қишки таътилни Швейцария тоғларида ўтказишни хуш кўради. Айтганча, 20 йилдан ортиқ вақт мобайнида Меркел хоним фақат Гермина брендидаги тоғ чанғисидан фойдаланган.
Норфолк қасридаги қироллик оиласи
Буюк Британияда ҳам ажойиб анъанага узоқ йиллар давомида шаклланиб бормоқда: қиролича Елизавета II турмуш ўртоғи шаҳзода Филипп билан қишки таътилни мароқли ўтказиш учун Сандригемдаги Норфолк қасрига йўл олган. Ушбу қаср қироличанинг шахсий мол-мулки ҳисобланади.
