КХДР ва Жанубий Корея музокаралар давомида турли таклифлар билан алмашди

Фото: Синьхуа

КХДР ва Жанубий Корея делегацияси Тошкент вақти билан соат 06:00да бошланган музокаралар давомида турли таклифлар билан алмашди. Бу ҳақда «Рёнхап» агентлиги хабар бермоқда.

Хусусан, шимолий кореяликлар 2018 йилги Олимпия ўйинларига юқори мансабли амалдорлардан иборат делегация юборишни режалаштирмоқда. Шунингдек, Пёнгчангга КХДРдан бўлган артистлар ва Шимолий Кореянинг таэквондо бўйича махсус жамоаси йўлланади.

Ўз навбатида, Жанубий Корея Корея уруши давомида ажралиб кетган оилалар учрашувини 16 февраль куни ташкиллаштириш таклифи билан чиқди.

Аввалроқ Шимолий Корея ва Жанубий Корея ўртасида вазирлар даражасида муҳокамалар бошлангани хабар қилинганди.

#КХДР #Жанубий Корея