Фото: Reuters
Google аксарият одамлар мобил версиядан фойдаланиши, тезлик эса ресурсларнинг энг асосий параметрларидан бири эканини англаган ҳолда, мобил версияда секин юкланувчи сайтларга қарши санкциялар киритади. Сервис бундай саҳифаларни қидирувнинг биринчи саҳифасидан олиб ташлайди. Компания расмий блогида шу ҳақида хабар берилди.
Компания вакилларининг сўзларига кўра, замонавий одамлар тобора кўпроқ мобил версиядан фойдаланишмоқда. Юкланиш тезлиги муҳим роль ўйнайди, агар ресурс бу параметрга жавоб бермаса, унинг натижалари туширилади.
Таъкидлаш жоизки, веб-саҳифалар юкланиш тезлигини Chrome User Experience Report, Lighthouse ёки PageSpeed Insights жиҳозлари ёрдамида ўлчаш мумкин.
