Сурия армияси катта ҳужумга тайёрланмоқда – ОАВ
Сурия армияси Идлиб шаҳрига амалга ошириладиган катта ҳужумга тайёрланмоқда, мақсад – «Жабҳот ан-Нусра» кучларини ўраб олиш ва йўқ қилиш. Бу ҳақда «Известия» Сурия қуролли кучларидаги манбаларга таянган ҳолда хабар бермоқда.
Идлибга сўнгги ойларда мамлакатнинг озод этилган бошқа шаҳарларидан экстремистлар қочиб ўтган. Россия Мудофаа вазирлигидан таъкидлашларича, муваффақиятли ҳужум амалиёти юз берса, «Нусра» аниқ йўқ қилинади.
«Гап Хама, Ҳалаб ва Идлиб вилоятлари кесишган жой ҳақида кетмоқда. Йил бошида бошланган ҳужум тезкор ва муваффақиятли бўлди, энди биз жангариларнинг йирик гуруҳини ўраб олиб, йўқ қилиб ташлаш ниятидамиз», - дея аниқлик киритиб ўтган манбалардан бири.
Бошқа бир манбанинг айтишича, нафақат «Нусра», балки ИШИД террорчилари ҳам ўраб олинади.
Хабар қилинишича, террорчиларни йўқ қилиш учун қозон тактикаси қўлланилади.
Эслатиб ўтамиз, аввалроқ Пентагон Суриядаги янги «армия» ҳақида изоҳ берганди.
Мавзуга оид
11:30 / 01.10.2024
БМТ: 100 000 киши Ливандан Сурияга қочди
16:11 / 09.09.2024
Сурияда Исроил зарбаси оқибатида 14 киши ҳалок бўлди
21:57 / 07.09.2024
АҚШ Ироқдан қўшинларини олиб чиқиш санаси маълум бўлди — ОАВ
12:52 / 10.08.2024