Ўзбекистондаги мобиль алоқа абонентлари сони маълум бўлди

Фото: KUN.UZ

2017 йилда мобиль алоқа абонентлари сони 1,4 миллионга кўпайиб, 22,8 миллион кишини ташкил этди. Бундан Ахборот технологиялари ва коммуникацияларини ривожлантириш вазирлиги маълумотлари дарак бермоқда.

Республика бўйлаб 2018 йилнинг январь ҳолатига кўра, базавий станциялар 22,2 мингга тенг (2017 йилнинг шу даврига нисбатан қарийб 4 мингга кўп).

Интернет фойдаланувчиларининг умумий сони 20 миллион абонентга етган.

Интернетга кириш тезлиги 104 минг Мбит/с.дан ошди.

Провайдерлар учун ташқи интернет каналидан фойдаланиш нархи 2,5 баробарга пасайиб, 30,2 долларни ташкил этди.