Москва областидаги кушхонада газ баллони портлаши оқибатида ўзбекистонликлар жабрланди

Фото: ТАСС

Москва областида газ баллонининг портлаши оқибатида Ўзбекистон фуқаролари жабр кўрди. Улардан уч нафари жонлантириш бўлимида қолмоқда, яна икки нафари унча жиддий бўлмаган жароҳатлар олди. Бу ҳақда «Интерфакс» агентлиги ҳуқуқни муҳофаза қилиш органларидаги манбасига асосан хабар бермоқда.

Ушбу ҳодиса Торбеево қишлоғидаги фермер хўжаликларидан бирида содир бўлган.

«Мол сўйиш бўйича корхонанинг хўжалик буюмлари сақланадиган иншоотида техника хавфсизлиги қоидалари бузилиши туфайли газ баллони портлаб кетган», - дея хабар беришган Россия Фавқулодда вазиятлар вазирлигидан.

Бу ҳодисага газ баллонидан фойдаланишда хавфсизлик техникаси қоидалари бузилиши сабаб бўлган.