Франциядаги суд Каттеном коммунаси ҳудудида жойлашган атом электрстанциясидан мушак отган Greenpeace’нинг икки фаолига икки ойга озодликни чеклаш ҳақида қарор чиқарди. Бу ҳақда Greenpeace France’нинг твиттердаги саҳифасида хабар берилган.
Икки фаол ҳибсга олинганидан ташқари, суд томонидан ташкилотнинг яна 6 иштирокчисига шартли муддат берилди. Бундан ташқари, суд Greenpeace France 20 минг евро миқдорида жарима тўлаши лозимлигини белгилаб қўйди.
Ташкилотдагилар эса ҳукмни «жуда қаттиқ» деб баҳолашди ва ҳукмга қарши шикоят аризаси билан чиқиш ниятидалар.
Мушакбозлик 2018 йилнинг 12 октябрь куни Франциянинг Каттеном атом электрстанцияси ҳудудидан отилган. Фаоллар қайта ишланган ёқилғини сақлаш учун бассейндан унча узоқ бўлмаган ердан мушакни отишди.
