Ekopen WorldBuild Tashkent-2018 кўргазмасида турли услубларда ишланган пластик дераза ва эшиклардан иборат композицияни тақдим этиб, энг яхши стенд дизайни мукофотини қўлга киритди.
Пойтахтдаги «Ўзэкспомарказ»да 28 февраль-2 март кунлари бўлиб ўтаётган WorldBuild Tashkent-2018 кўргазмаси, бу – қурилиш соҳасида фаолият олиб борувчи компанияларга ўзи ҳақида маълумот бериб, маҳсулотларини намойиш қилиш учун ажойиб имкониятдир.
Ekopen компанияси – дераза ва эшик конструкциялари учун ПВХ-профилларини ишлаб чиқариш соҳасида тан олинган етакчилардан бири бўлиб, ўз маҳсулотларини худди шу асосда ишлаб чиқариш ва намойиш этиш йўлидан бормоқда. Компания кўргазмада улкан икки қаватли стендни бунёд этиб, кўплаб ташриф буюрувчиларнинг чинакам қизиқишларига сазовор бўлди ва якунда энг яхши корпоратив стенд дизайни номинациясини қолга киритди.
Меҳмонларни жўшқин мусиқалар қарши олмоқда ва қабулхонадаги хушмуомала қизлар эса барча саволлар бўйича маслаҳатлар беришга тайёр. Ташриф буюрувчиларга танловда иштирок этиш учун махсус фотозона ташкил этилган ва иккинчи қаватдаги махсус зонада эса Ekopen вакили билан хотиржам муҳитда муҳим масалаларни муҳокама қилиш ёки шунчаки профессионал бармен тақдим этган бир финжон қаҳвани ичиб, роҳат олиш мумкин.
Бироқ дераза ва эшик ишлаб чикарувчи хамкорлар томонидан Ekopen профилларидан тайёрланаётган маҳсулотларнинг таассуротларга бой намойишларини дастурнинг ўзаги деб аташ мумкин. Дераза ва эшикларнинг беқиёс шакл ҳамда конструкциялари ҳаттоки шунчаки ўтиб кетаётган ташриф буюрувчиларнинг ҳам компания стенди қаршисида тўхтаб қолишига сабаб бўлмоқда. Ва бу ерда Ekopen сизни ҳайратлантира олади. Дизайндаги замонавий тенденциялар ва инновацияларга кенг ўрин ажратган компания сизга турли: классицизм, ампир, барокко, модернизм ва бошқа архитектуравий услублардаги деразаларни таклиф этади. Кўргазмада деразалар оддий буюмдан ҳар қандай хонага бетакрор гўзаллик бахш этувчи маҳсулотга айлантиради. Бундан ташқари, яқинда бозорда интерьерга ўзига хослик берувчи ҳай-тек ва лофт услубидаги ҳамда Titanium ранг эффектига эга Ekopen маҳсулотлари намоён этилган.
