Чемпионлар Лигасида ҳафтанинг энг яхши футболчиси аниқланди

«Реал» ҳужумчиси Криштиану Роналду Чемпионлар Лигаси жорий ҳафтасининг энг яхши футболчиси деб топилди.

Португалиялик тўпурар «ПСЖ» (2:1) дарвозасини ишғол қилиб, жамоасининг чоракфиналга чиқишида катта роль ўйнаган эди. 

УЕФА сайтида ўтказилган сўровномада Роналду 55% овоз тўплаб, «Ливерпуль» яримҳимоячиси Жеймс Милнер (25%), «Ювентус» ҳужумчиси Гонсало Игуаин (15%) ва «Манчестер Сити» яримҳимоячиси Лерой Санедан (4%) ўзиб кетди.

Криштиану жорий мавсумда 4-марта Чемпионлар Лигаси ҳафтасининг энг яхши футболчиси деб топилди.