2017 йилнинг октябрь ойида профессионал фаолиятини бошлаган Рустам Тўлаганов ўзининг иккинчи профессионал жангини АҚШнинг Чикаго шаҳрида ўтказади. «Sports.uz» хабарига кўра, ушбу жанг шу йилнинг 14 апрелига белгиланган.
Тўлагановга 6 раундлик жангда америкалик Мартез Макгрегор рақиблик қилади. Бу боксчи шу вақтгача профессионал рингда 5та жанг ўтказиб, 4 ғалабага эришган, бир жангда мағлубиятга учраган.
Рустам Тўлаганов профессионал рингдаги дебютида америкалик Роберт Геррони очколар бўйича мағлуб қилган эди.
