Туркия Россия элчисининг ўлдирилиши бўйича иш доирасида Гуленни ҳибсга олишга ордер берди
Туркия ҳукумати мухолифатчи Фатҳуллоҳ Гулен ва яна етти кишини, жумладан АҚШда истиқомат қилувчи, Туркия хавфсизлик хизмати собиқ ходими Эмре Услуни ҳибсга олиш учун ордер берди. Уларнинг барчаси, Haberturk маълумотига кўра, Анқарада россиялик элчи Андрей Карловнинг ўлдирилишига алоқадорликда гумонланмоқда.
Уларни ҳибсга олиш тўғрисидаги қарор суд томонидан Анқара прокурори Адем Оқинчи томонидан ўтказилган суриштирув якунлари бўйича қабул қилинди. Шу билан бирга, Гулен россиялик дипломатга уюштирилган суиқасд ташкилотчиси сифатида тан олинди. Бу ишдаги яна етти шахс - Эмре Услу, Шариф Али Такалан, Ченгиз Ўзкан, Жамол Карат, Ҳамза Севинч, Темел Алсанжак ва Мурат Тўкой, - турк ҳуқуқни муҳофаза қилувчи органлари тахминига кўра, «терактни ташкил этишда» айбдордир. Шунингдек улар, турк прокурорларининг аниқлашича, «конституциявий тузумни бузишга» ҳаракат қилишган.
Аввалроқ Карловнинг ўлдирилиши бўйича суриштирув доирасида яна етти киши қамоққа олинганди, улар орасида уч полициячи ҳам бор.
Мавзуга оид
19:03 / 16.06.2023
Туркияда FETÖ ташкилотининг Марказий Осиё бўйича раҳбари 21 йилга қамалди
00:32 / 04.12.2022
Туркиянинг биринчи учувчисиз қирувчи самолёти синов парвозини муваффақиятли амалга оширди
00:54 / 03.12.2022
Туркиялик шарҳловчи ЖЧ-2022 ўйини танаффусида эфирдан четлатилди
11:10 / 28.11.2022