АҚШ президенти Дональд Трамп Сурияга ракета зарбасини «ажойиб амалга оширилган» деб атади. Бу ҳақда у твиттердаги саҳифасида ёзган.
«Ўтган тунда берилган зарбалар ажойиб амалга оширилди. Бундан яхши натижа бўлиши мумкин эмас. Миссия бажарилди!», - дея ёзган Трамп.
АҚШ президенти Франция ва Британияга «ажойиб ҳарбий куч ва ақллилик» учун миннатдорлик билдирган.
Эслатиб ўтамиз, аввалроқ Трамп Сурияга зарбалар фонида Россияга мурожаат билан чиққанди.
