АҚШ Б режага ўтди – Россия ТИВ

Россия Ташқи ишлар вазирлиги расмий вакили Мария Захарованинг фикрича, Қўшма Штатлар Яқин Шарқ ва Африка шимолида «дипломатик ўйинда» муваффақиятсизликка эришди ҳамда хатти-ҳаракатнинг янги моделига ўтди -  «тўхтовсиз қўрқитиш ва санкциялар». Бу ҳақда у «Россия 24» телеканали эфирида айтиб ўтди.

«Афсуски, АҚШ биз билан дипломатик ўйин учун имконият топа олмай ва Яқин Шарқ ҳамда Африка шимолида ҳам ўз дипломатик ўйинида муваффақиятсизликка учраб, афтидан, Б режага ўтди: тўхтовсиз қўрқитиш, санкцияларга», - дея айтиб ўтди Захарова.

Шунингдек, унинг таъкидлашича, Қўшма Штатларнинг бундай хатти-ҳаракати – бу катта стратегиясининг бир қисми.

Эслатиб ўтамиз, аввалроқ Трамп Европа давлатларидан чиқариб юборилган россиялик дипломатлар сонини эшитгач ғазабга мингани хабар қилинганди.