2001 йилнинг 11 сентябрь кунги терактларга алоқадор бўлган шахс Сурияда қўлга олинди. Бу ҳақда Reuters Пентагон вакилига таянган ҳолда хабар бермоқда.
«Биз асли келиб чиқиши суриялик бўлган Германия фуқароси Муҳаммад Ҳайдар Замар тахминан бир ой муқаддам ИШИДга қарши амалиёт доирасида Сурия Демократик кучлари томонидан ушланганини тасдиқлаймиз», - дея айтиб ўтган у.
Таъкидланишича, қўлга олинган Замар 2001 йилнинг 11 сентябрь куни самолётларни эгаллаб олган террорчиларга пул маблағларини ўтказиб беришда айбланаётган Рамзи Биналшибга таъсир кўрсатиб келган.
