Марсело Чемпионлар лигасида рекорд ўрнатди

Жорий Чемпионлар лигасининг 2-яримфинали 1-учрашувида “Бавария” ўз майдонида Мадриднинг “Реал”ига 1:2 ҳисобида имкониятни бой берди. Учрашувда ҳисобни 28-дақиқада “Бавария” ўйинчиси Киммих очди. Мадридликлар бу голга 44-дақиқада Марсело ва 57-дақиқада Асенсионинг голлари билан жавоб беришди.

“Реал”нинг бразилиялик ҳимоячиси Марселонинг ушбу голи у учун Чемпионлар лигаси плей-офф босқичи учрашувларидаги 7-голи бўлди. У бу борада жамоадоши Серхио Рамосни ортда қолдириб (6 та гол), ҳимоячилар орасида бу борада энг яхши тўпурарга айланди.