Жангарилар Суриянинг Хомс вилояти шимолини жангсиз тарк этишга рози бўлди

Фото: Reuters

Сурия ҳукумати жангарилар йўлбошчилари билан уларнинг Хомс шимоли ва Хама жанубидан жангсиз чиқиб кетиши ҳақида келишиб олди. Бу ҳақда SANA давлат ахборот агентлиги хабар қилмоқда.

«Хомс вилояти шимоли ва Хама вилояти жанубидан террорчилар гуруҳини чиқариб олиш ҳақидаги келишувга эришилгани тўғрисида маълумот пайдо бўлди», - дейилади агентлик хабарида.

Хабар қилинишича, жангарилар Сурия ҳукуматига ўрта ва оғир қурол-яроғларни топширса, ушбу таклифдан фойдаланиши мумкин. Улар буни икки сутка давомида амалга ошира олади.

Шунингдек таъкидланишича, жангарилар мина майдонлари харитасини бериш ва ўқ-дори ҳамда портловчи моддалар омборлари қаерда эканини хабар қилишга рози бўлган.

Эслатиб ўтамиз, аввалроқ Пентагон суриялик мухолифатчилар ИШИДнинг қанча жангарисини асирда ушлаб турганини маълум қилганди.

#Сурия #Хомс

Сурияда 2011 йилда бошланган фуқаролар уруши мамлакатни бир неча қисмларга бўлиб ташлаган. Сурия ҳукумати, ИШИД, курдлар ва бошқа турли жангари гуруҳлар ўртасидаги қуролли тўқнашувлар ҳамон давом этмоқда.