“Ҳукм 7 июнда эълон қилинади. Айбланувчи Раҳмат Оқилов ҳукм чиқарилгунгача турмада қолади”, деб айтган округ судьяси.
2017 йил 7 апрелда Раҳмат Оқилов ўғирланган юк машинасида Дроттнинггатан кўчасида одамларни босиб кетган. Бунинг оқибатида 5 киши ҳалок бўлган, 10 киши жароҳат олган. Оқилов жиноятни содир этганини тан олган.
Маълумотларга кўра, прокуратура Оқиловга декпортация қилиниши билан умрбод қамоқ жазоси ва Швецияга умрбод киришга тақиқлов тайинланишини сўрамоқда.
Теракт бўйича суд жараёни 13 февралда бошланганди.
