Эрон президенти Ҳасан Руҳонийнинг маълум қилишича, мамлакат ҳукумати Telegram мессенжери блокланишига алоқадор эмас. У бу ҳақда инстаграмдаги саҳифасида ёзган.
«Ҳозирча «бу ҳукумат» томонидан биронта ижтимоий тармоқ ва мессенжер блокланмади ҳамда блокланмайди. Telegram’нинг блокланиши ҳукумат саъй-ҳаракатларисиз ва унинг маъқулловисиз амалга оширилган», - дея ёзган Руҳоний.
Унинг сўзларига кўра, суд ҳокимияти блокланиш ҳақидаги қарорни мустақил равишда чиқарган. Операторлар шу қарор асосида мессенжерга киришни тўсиб қўйиши лозим.
Эслатиб ўтамиз, аввалроқ Эронда норозилик акцияси умуман кутилмаган кўринишда авж ола бошлагани хабар берилганди.
