АҚШ президенти Дональд Трамп 22 май куни жанубий кореялик ҳамкасби Мун Чжэ Ин билан учрашади ва у билан КХДР етакчиси Ким Чен Ин билан режалаштирилаётган музокараларни муҳокама қилади. Бу ҳақда РИА «Новости» Оқ уй баёнотига асосан хабар бермоқда.
«Президент Дональд Трамп 2018 йилнинг 22 май куни Оқ уйда Корея Республикаси президенти Мун Чжэ Инни қабул қилади. Президент Трамп ва президент Мун Корея ярим оролида 27 апрель кунги кореялараро саммитдан сўнг вазият ривожи бўйича қалин мувофиқлаштирувни давом эттиради. Шунингдек, ҳар икки етакчи президент Трампнинг Шимолий Корея етакчиси Ким Чен Ин билан режалаштирилаётган учрашувини муҳокама қилади», - дейилади хабарда.
Аввалроқ, АҚШ президенти Дональд Трамп КХДР етакчиси Ким Чен Ин билан учрашув вақти ва жойи мувофиқлаштириб олинганини маълум қилганди.
