Украинада ЖЧ-2018 трансляцияси ўлим билан тенглаштирилди

Украина Миллий телекомпанияси директори Зураб Аласаниянинг маълум қилишича, ташкилот учун футбол бўйича жаҳон чемпионати трансляцияси ўлимга тенг. Аласаниянинг сўзлари Sportarena томонидан келтирилган.

«Ҳозирча жаҳон чемпионатини эфирга узатиш бўйича рад жавобини расмий тарзда бермадик, бироқ бутун мамлакат тушуниб турибдики, умумий ТВ учун бу чемпионатни кўрсатиш – бу ўлим», - дея айтиб ўтди Аласания.

Шунингдек, Аласания Украинадан бўлган ишқибозларнинг жаҳон чемпионатини томоша қилиш имкониятига баҳо берди.

«Украинанинг бошқа каналида жаҳон чемпионатини томоша қилиш эҳтимоли қанчалик юқори? Мен тахминан 70 фоиз, деб айтган бўлардим.

Ҳозир гап Украина миллий каналларидан биридаги трансляциялар истиқболи ҳақида кетяпти. Албатта, биз бунда пул ишлаб олиш ниятида эмасмиз. Бироқ нолга чиқишни жуда хоҳлаймиз, сабаби давлат бунга анча кўп пул сарфлади.

Шу билан бирга, биз Европа эфирга узатиш иттифоқига қарз бўлиб қоламиз, у эса – ФИФАга. Бу жуда чигал масалага айланиб кетган», - дея қўшимча қилиб ўтди телекомпания директори.

Эслатиб ўтамиз, футбол бўйича жаҳон чемпионати Россиянинг 11 шаҳрида 14 июндан 15 июлга қадар бўлиб ўтади.