ИИВнинг Душанбедаги Бошқармаси матбуот маркази хабарига кўра, милицияга пойтахт ҳудудига наркотикларнинг йирик партияси олиб кирилиши ҳақида тезкор маълумот келиб тушган.
Тезкор ходимлар “Нива” маркали автомашинани кузатувга олишган, унинг ичида Хорога шаҳрида яшовчи икки шахс бўлган.
Эркаклар “Нива”дан “Шохона” ёзувли қутиларни олиб, бошқа бир автомобилга солишаётганида қўлга олинди.
Тезкор ходимлар қутиларда гиёҳванд моддаларнинг йирик партиясини, жумладан 45 кг героин ва тахминан 3 кг опиумни аниқлашди. Олиб қўйилган гиёҳванд моддаларнинг умумий оғирлиги 47 кг 690 граммни ташкил этди, деб хабар қилмоқда Авеста.
