Германия жануби-ғарбидаги Фрайбург шаҳридаги сайловларда ғалаба қозонган мэрнинг бурнини ва бир нечта тишини синдиришди. Бу ҳақда «Би-би-си» хабар қилмоқда.
Сайловлардаги мустақил номзод Мартин Хольн тарафдорлари билан ғалабани нишонлаётган пайтда унга номаълум эркак яқинлашган ва зарба берган.
Ҳужум қилган шахс қўлга олинди. Тергов маълумотига кўра, ҳужум эркакнинг сиёсий қарашлари билан боғлиқ бўлмаган. Таъкидланишича, унда руҳий касаллик белгилари аниқланган.
Мартин Хольн сайловлар давомида Дитер Саломонни ортда қолдирди, у бунга қадар 16 йил давомида шаҳар раҳбари бўлган.
