АҚШ президенти Дональд Трамп Шимолий Корея етакчиси Ким Чен Ин билан 12 июнда Сингапурда учрашади. Бу ҳақда Трампнинг ўзи твиттерда маълум қилган.
“АҚШ ва Шимолий Корея етакчиларининг учрашуви 12 июнь Сингапурда бўлиб ўтади. Биз иккимиз ҳам бу учрашувни бутун дунёда тинчлик учун ўзига хос онларга айлантиришга ҳаракат қиламиз”, деб ёзган Трамп.
Аввалроқ Ким Чен Ин Трамп билан учрашув минтақада ижобий ўзгаришларга олиб келишига умид билдирганди.
