Трамп нима ядровий урушга олиб келишини айтди

Фото: SAUL LOEB/AFP/Getty Images

АҚШ президенти Дональд Трамп ўз тарафдорлари олдида чиқиш қилиб, КХДР етакчиси Ким Чен Ин билан «яхши муносабатларда» эканини маълум қилди. Бу ҳақда CNN хабар бермоқда.

«Мен Ким Чен Ин билан бутун дунёда тинч келажак ва фаровонлик бўлиши учун учрашмоқдаман, бизнинг муносабатлар яхши даражада», - дея айтиб ўтди у.

Унинг қўшимча қилишича, «фейк хабарлар» унинг хатти-ҳаракатлари ядро урушига олиб келишини иддао этмоқда.

«Сизлар ядро урушига нима олиб келишини биласизларми? Кучсизлик», - дея маълум қилди Трамп.

Эслатиб ўтамиз, аввалроқ Ким Чен Ин Трамп билан учрашув ёрқин келажакни қуришга қўйилган қадам бўлиши ҳақида айтиб ўтганди.