Kim Chen In: Tramp bilan uchrashuv yorqin kelajakni qurishga qo‘yilgan qadam bo‘ladi

KXDR yetakchisi Kim Chen In bayonot bilan chiqdi, unda o‘zining AQSh prezidenti Donald Tramp bilan bo‘lajak uchrashuvini Koreya yarim orolida yorqin kelajakni qurishga qo‘yilgan qadam sifatida baholadi. Bu haqda Koreya Markaziy telegraf agentligi xabar qilmoqda.

«Tarixiy uchrashuv Koreya yarim orolidagi ijobiy o‘zgarishlar va yorqin kelajakni qurishga qo‘yilgan ajoyib birinchi qadamga aylanadi», - deya aytib o‘tdi Kim Chen In.

Xabar qilinishicha, Shimoliy Koreya yetakchisi AQSh davlat kotibi Mayk Pompeo bilan muzokaralar natijasi bo‘yicha shunday bayonot bergan.

Eslatib o‘tamiz, avvalroq CNN Tramp va Kim Chen Inning uchrashuv joyini ma'lum qilgandi.