АҚШ Аляска яқинида Россия бомбардимончи самолётлари пайқалганини маълум қилди

Фото: АҚШ ҳарбий ҳаво кучлари

АҚШнинг F-22 қирувчилари Аляска қирғоқлари яқинидаги ҳаво ҳудудида Россиянинг Ту-95 бомбардимончи самолётларини тутиб олди. Бу ҳақда CNN Шимолий Америка ҳаво-космик мудофаа қўмондонлигига асосан хабар бермоқда.

«Аляскада жойлаштирилган иккита F-22 қирувчиси узоқ масофаларга мўлжалланган иккита Ту-95 бомбардимончисини тутиб олишди. Бомбардимончилар Аляска ғарбий қирғоғи яқинида, Алеут ороллари ёнида, ҳаво ҳужумидан мудофаа кучлари зонасида парвоз қилган», - дейилади қўмондонлик хабарида.

Хабар қилинишича, қирувчилар бомбардимончиларни, улар ҳаво ҳужумидан мудофаа кучлари ҳудудини тарк этмагунича, «тутиб олган ва кузатиб борган». Таъкидланишича, Россия самолётлари АҚШ ҳаво ҳудудига кирмаган.

Тайёрлаган: Шуҳрат Раҳимов

#Россия #АҚШ #самолёт