НАТО: руслар армияси йигирма йиллик таназзулдан сўнг тикланмоқда

Сўнгги ўн йил давомида Россия армиясининг тикланиши бўйича «жиддий даража» кузатилмоқда. Бу ҳақда НАТО тадқиқот бўлинмаси таҳлилчиси Диего Руис Палмернинг ҳисоботида айтилади, у альянс Мудофаа коллежи томонидан эълон қилинди, деб хабар беряпти РИА «Новости».

«2009 йилдан бери шу нарса аниқ кўриниш касб этиб бормоқдаки, Россия Қуролли кучлари деярли йигирма йиллик таназзул ва «совуқ уруш» тугаганидан кейинги эътиборсизликдан сўнг тез тикланмоқда. Ушбу ўн йилда тикланиш кўлами анча сезиларли», - дейилади эксперт ҳисоботида.

Унинг фикрича, Россия ҳозирги вақтда кутилмаган машқларни ўтказиши ва ўқув тайёргарлигига 60 минггача кишини жалб этиши мумкин бўлган «Европадаги ягона мамлакат» бўлиб турибди.

Шунингдек, Руис Палмернинг таъкидлашича, Суриядаги амалиётлар тажрибаси «россиялик ҳарбийларнинг тезкор кўникмалари ва салоҳияти учун янги асос яратди».

Эслатиб ўтамиз, аввалроқ АҚШ Аляска яқинида Россия бомбардимончи самолётлари пайқалганини маълум қилганди.