УЕФА ижро қўмитасининг Киев шаҳрида ўтказилган йиғилишида 2019/20 мавсумида Европа клублар турнирининг финалларини қабул қиладиган шаҳарлар эълон қилинди.
Чемпионлар Лигаси 2019/20 йилги мавсуми финали Туркиянинг Истанбул шаҳридаги Камол Отатурк номли стадионда ўтказилади. Бу ЕЧЛ финали 15 йилдан кейин яна Туркияга қайтишидир - 2004/05 йилги мавсумда «Милан» ва «Ливерпуль» ўртасида ЕЧЛ тарихидаги энг драматик финал учрашуви бўлиб ўтганди.
ЕЧЛнинг бу йилги финали Киевда, кейинги мавсум финали эса Мадридда ўтказилади.
![](https://storage.kun.uz/source/dasa1.jpg)
Фото: УЕФА
Европа Лигаси финали эса Польшанинг Гданьск шаҳрида бўлиб ўтади.
2018 йилги Европа Лигаси финалида 16 май куни Лионда бўлиб ўтди ва унда «Атлетико» «Марсель» йирик ҳисобда енгди (3:0), 2019 йилги финалга Боку мезбонлик қилади.
![](https://storage.kun.uz/source/dasa2.jpg)
Фото: Football.ua
2020 йилги УЕФА Суперкубоги учун баҳсни Порту шаҳридаги «Драгау» стадиони қабул қилади.
2020 йилги Суперкубок мезбонлиги учун Португалиядан ташқари, Беларусь, Финляндия, Франция, Албания, Исроил, Қозоғистон ва Шимолий Ирландия даъвогарлик қилганди.
![](https://storage.kun.uz/source/dasa3.jpg)
Фото: «Порту»