Тошкентда шаҳар кенгаши сессияси чақирилмоқда, прокурор ҳисобот беради

Тошкент шаҳар ҳокимининг қарорига мувофиқ, 2018 йил 31 май куни халқ депутатлари Тошкент шаҳар Кенгашининг навбатдаги ўттиз еттинчи сессияси бўлиб ўтади. Бу ҳақда ҳокимлик ахборот хизмати хабар бермоқда.

Қайд этилишича, халқ депутатлари Тошкент шаҳар Кенгашининг ўттиз еттинчи сессияси кун тартибига қуйидаги масалалар киритилган:

пойтахт ҳудудида 2018 йилнинг 1-чорагида қонунийлик ҳолати ва жиноятчилик аҳволи юзасидан Тошкент шаҳар прокурорининг ҳисоботи тўғрисида;

Тошкент шаҳар Давлат солиқ бош бошқармасининг 2018 йилнинг 1-чорагидаги фаолияти юзасидан ҳисоботи тўғрисида;

Тошкент шаҳар молия бош бошқармасининг 2018 йилнинг 1-чорагидаги фаолияти юзасидан ҳисоботи тўғрисида;

Ер ресурслари ва давлат кадастри Тошкент шаҳар бошқармасининг фаолияти юзасидан ҳисоботи ҳамда бошқа масалалар.