"Реал Мадрид" жамоа ҳужумчиси Криштиану Роналдунинг атрибутикаларини сотишда давом этмоқда, бироқ унинг сурати сайтдан олиб ташланган. Клуб атрибутикалари сотувига бағишланган бўлимда бошқа футболчиларнинг сурати турибди.
Бироз аввалроқ "Реал" 2018/19 йилги мавсум учун ўйин либосларини тақдим этган эди ва ушбу кўргазмада Роналду иштирок этмаган. У клубнинг янги либосида суратга тушмаган, шунингдек, видеороликда ҳам суратга тушмаган. "Реал" бу вазиятга изоҳ бермаган. Бироқ бунга "Реал"нинг Adidas билан, Роналдунинг эса Nike билан ҳамкорлик қилиши сабаб бўлиши мумкин.
