Қисқичбақа қайнаётган сувдан чиқиб олиш учун ўз панжасини узиб ташлади

Хитойда ресторанга ташриф буюрган шахс ёнида қайнаётган сув тўлдирилган кастрюляда тайёрланаётган қисқичбақалардан бири чап панжасини ўзи узиб ташлаганига гувоҳ бўлди. Бу ҳақда Taiwan News ёзмоқда.

Weibo микроблоглар ижтимоий тармоғининг Jiuke исмли фойдаланувчиси сўзларига кўра, у қисқичбақаларнинг катта порциясига буюртма берган. Тирик қисқичбақаларни қайнаётган сувга ота бошлашгач, улардан бири кастюлядан чиққан ва унинг четига кўтарилиб олган. Бироқ, у чап панжасини чиқариб ололмаган. Шунда қисқичбақа ўнг панжаси билан чапини узиб ташлаган ва озодликка чиққан.

Фойдаланувчининг хабар беришича, қисқичбақани ўзига олган ва уйдаги аквариумга солиб қўйган. 

Таъкидланишича, қисқичбақалар ўз панжаларини кўп бора йўқотиши мумкин: улар одатда, қайта тикланади.