Россиянинг “Ростех” ҳарбий корпорацияси раҳбарияти Ўзбекистонда бўлди

Россия Федерациясининг “Ростех” оддий турдаги қуроллар, ўқ-дорилар ва махсус кимё бўйича давлат корпорациясининг саноат директори С.Абрамов бошчилигидаги делегация 2018 йилнинг 2-5 июнь кунлари Ўзбекистонда ташриф билан бўлди. Бу ҳақда Kun.uz ахборот манбаси хабар қилмоқда.

Ташриф давомида Ўзбекистон Республикасининг Мудофаа саноати бўйича давлат қўмитаси раиси билан мудофаа саноати бўйича музокаралар ўтказилган. Шунингдек, Давлат чегараларини қўриқлаш бўйича қўмита ва Давлат хавфсизлик хизмати раҳбарияти билан учрашув ташкил этилган. 

Бундан ташқари, “Ростех” делегацияси Ўзбекистон Миллий гвардияси, Мудофаа вазирлиги ҳамда Ички ишлар вазирлиги раҳбарияти билан учрашув ўтказган.

Ўтказилган учрашувлар якуни бўйича амалий баённома имзолангани айтилмоқда.