Ўзбекистон Республикаси Ички ишлар вазири маслаҳатчиси, генерал-полковник Зокиржон Алматов Андижон шаҳрида бўлиб, “Мирпўстин ота” зиёратгоҳидаги ободонлаштириш ишлари билан танишиб, “Ёйилма” маҳалласидаги 16-таянч пунктининг очилиш маросимида иштирок этди. Ҳудуд профилактика инспектори хизмат уйидаги шарт-шароитларни кўздан кечирди.
Вазир маслаҳатчиси масъул ходимлар билан бирга Андижон шаҳар ҳокимлигининг мажлислар залида шаҳар-туманлар ИИБ ходимлари, ушбу шаҳар-туманлар ҳокимларининг хотин-қизлар ва ёшлар масалалари бўйича ўринбосарлари, Ёшлар иттифоқи кенгашлари раислари, бош имом хатиблар ҳамда бошқа жамоатчилик институти вакиллари билан жиноятчиликнинг олдини олиш, фуқароларнинг ҳуқуқ ва эркинликлари ҳамда осойишталикларини таъминлаш, ёшларни турли ёт ғоялардан сақлаш борасида узвий ҳамкорликни янада мустаҳкамлаш борасида учрашув бўлиб ўтди.
Зокиржон Алматов Андижон вилояти ИИБ патрул-пост хизмати ва жамоат тартибини сақлаш бошқармаси фаолияти билан ҳам яқиндан танишди.
Шунингдек, тадбирда Ўзбекистон ва Қорақалпоғистон халқ артисти, ўз халқимизнинг севимли актёри Ёдгор Саъдиев билан ҳам дилдан суҳбат ўтказилди. Машҳур актёр ижросидаги гўзал қўшиқлар барчага кўтаринки кайфият улашди. Шўх тароналар уларни даврага чорлади. Кўтаринки руҳда ўтказилган учрашув бир умрга эсда қоларли бўлганлигини таъкидланиб, меҳмонларга эсдалик совғалари тақдим этилди.
Элмурод Эрматов,
KUN.UZ мухбири Андижон
