Тошкентда 30 млн сўмлик болалар тагликларини ўмариб кетишди

Тошкент шаҳрининг Яккасарой туманида 2018 йил 17 июнга ўтар кечаси номаълум шахслар “Adler Group Distribution” МЧЖ омборхона эшик қулфини бузиб, у ердан умумий қиймати 30 млн. 30 минг сўм қийматида бўлган “Prima” номли болалар тагликларини ўғирлаб кетганлар. 

Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Кўрилган чоралар натижасида ушбу жиноятни Яшнобод туманида яшовчилар Ш.Т., Р.Ё., ва Яккасарой туманида яшовчи Р.Н. содир этганликлари аниқланиб ушланганлар.