KUN.UZ таҳририятига аҳолидан келиб тушган кўплаб мурожаатлар сабаб автомобиль нархлари ўрганиб чиқилди. Мазкур мурожаатларда қуйидаги саволлар ўртага ташланган: автомобиль нархлари вилоят ва Тошкент шаҳрида бир хил ҳолатдами? 2019 йил 1 январдан хориж автомобилларига бож камайтирилар экан, бу ҳозирдан нархларга ўз таъсирини ўтказмоқдами? 2018 йил июнь ойида RAVON автомобиллари Россияда биронта ҳам сотилмади, шу сабабли автомобиллар нархи арзонлашиши ростми? Шу каби саволларга жавоб топиш мақсадида Тошкент шаҳрида жойлашган Сергели автомобиль бозорида  бўлдик.

Ҳаво ҳарорати иссиқлигига қарамай бозорда савдо-сотиқ авжида эди. Дастлаб миллий автомобиллар нархларини ўргандик. Барча русумдаги автомобилларнинг бозор нархларини қайд қилишга ҳаракат қилдик. Автомобиль нархлари АҚШ долларида келтирилган.

2006 йил ишлаб чиқарилган ва 300000 км юрган Matiz’нинг 1-позиция Best автомобили 3700 АҚШ доллари;

2015 йил ишлаб чиқарилган ва 48000 км юрган Matiz’нинг 2-позицияси  4800 АҚШ доллари;

2010 йил ишлаб чиқарилган ва 206000 км юрган Spark’нинг 2-позицияси 5300 АҚШ доллари;

2016 йил ишлаб чиқарилган ва 34000 км юрган Matiz’нинг 3-позицияси 5800 АҚШ доллари;

2014 йил ишлаб чиқарилган ва 3000 км юрган Nexia’нинг 2-позицияси 7800 АҚШ доллари;

2018 йил ишлаб чиқарилган ва 7200 км юрган Spark машинасининг 2-позицияси эгаси томонидан 8800 АҚШ доллари миқдорида баҳоланмоқда.

2012 йил ишлаб чиқарилган ва 283000 км юрган Lacetti’нинг 1-позицияси 8900 АҚШ доллари;