Гувоҳлар Австралия пойтахти Канберра яқинидаги шаҳарчада кенгурулар кўпайиб кетганини маълум қилишди. Қишки қурғоқчилик пайтида кенгурулар емиш излаб шаҳар кўчаларига чиқади.
Питер Робинсоннинг ёзишича, у ҳовлисидаги ўтларни кемираётган кенгуруни кўриб ҳайратга тушган. Унинг айтишича, бундай ҳолат илк бор юз бермоқда.
Мутахассислар Австралияда июндан августга қадар давом этадиган қиш фасли кенгурулар учун оғир фасл бўлишини, улар емиш топишга қийналишини айтишмоқда. Бундан ташқари, 2018 йилги совуқ тунларда ўтлар музлаб қолган.
Ижтимоий тармоқларда кенгурулар билан тасодифий учрашувлар муҳрланган суратлар чоп этилмоқда.
Кенгуру одамга дуч келганида ўзини тажовузкор тутиши ҳам мумкин, масалан 2013 йилда австралияликлардан бирининг кенгуру билан учрашуви жароҳат олиш билан якунланган.
