Украина Инфратузилма вазири Владимир Омеляннинг маълум қилишича, мамлакат ҳукумати Россия билан темир йўл қатновини тўхтатиш имкониятларини кўриб чиқмоқда.
У бу ҳақда «1+1» телеканали эфирида айтиб ўтган.
«Биз ҳозирда Москва билан темир йўл қатновини ёпиш вариантини кўриб чиқмоқдамиз», - дея Омеляннинг сўзларини келтиради ТСН сайти.
Июнь ойида украиналик журналист Мирослав Гай мамлакат ҳукуматини Россия билан темир йўл ва автобус қатновини чеклашга чақирганди.
Эслатиб ўтамиз, аввалроқ Киевда Путиннинг сценарийси ҳақида гапиришганди.
