Имомали Раҳмон Тожикистонга жўнаб кетди

Тожикистон Республикаси президенти Имомали Раҳмоннинг мамлакатимизга давлат ташрифи якунланди, деб хабар бермоқда Ўзбекистон президенти матбуот хизмати.

Самарқанд халқаро аэропортида уни президент Шавкат Мирзиёев кузатиб қўйди. 

Ўзбекистон билан Тожикистон ўртасидаги муносабатлар стратегик шериклик даражасига кўтарилгани, турли соҳаларга доир 27 та ҳужжат ва савдо шартномалари имзолангани ташрифнинг энг муҳим натижалари бўлди.